ترانه آب ( اشعار شاعران ایران در ثنای قمر بنی هاشم ع )

نوحه ای به زبان آذری (سروده دو شاعر نوحه سرای اذربایجان / ذهنی و شهابی )

 

استمداد حضرت ابوالفضل(علیه السلام)

تضمین از مرثیه مرحوم ذهنی از شاعران نوحه سرای آذربایجان

توسط روانشاد علی اصغر شهابی

 

تاثیر ائلیوب داغ دلیم داغ داشا قارداش

سیل غمیم آز قالدی کی باشدان آشا قارداش

قارداش ئولومی مشگل اولار قارداشا قارداش

(چاتموش یارالی سینه ده اوخ باش باشا قارداش)

(بو باش باشا چاتماق وئروب عمری باشا قارداش)

 

من طایر بشکسته پرم ای شه محشر

سینمش قانادیم، سندن ابوالفضل پر ایستر

سعی یم بویودی کامه یئته آل پیمبر

(چوخ کشمکش ائتمیشدی علمداریله لشکر)

(بو کشمکش آخرده دایاندی باشا قارداش)

 

عمروم چراغی سنله یانیب سنله ده سوندی

سنله واریدی عالمیمز، حیف اودا چوندی

تا جلوه معشوق بو قان ایچره گوروندی

(گوز یاشی اورک قانی آخوب دجله یه دوندی)

(آز قالدی بو قان دجله سی باشدان آشا قارداش)

 

ظلم اهلی بیر اود ظلمیله بو خرمنه ووردی

چوخ صدمه‌لر افسوس گل و گلشنه ووردی

سعداوغلی شماتت اوخون اول سنه ووردی

(هر کیمنه سلاح الده واریدی منه ووردی)

(هر بیر بوش الین گلدی گمانی داشا قارداش)

 

قولدان صورا بیر زاد یوخوموش دسترسیمده

معذور دوتار سن کیمی فریاد رسیمده

روحیم قوشی فریاده گلوبدور قفسیمده

(قارداش دیمورم گل منی گور صون نفسیمده)

(یول خاطرینه لطف ائله بو یولداشا قارداش)

 

جام دل اولوب باده عشقونله لبالب

دردون بولورم چوخدی حسین اولما معذب

گلمه سنه قربان ای اورک چرخینه کوکب

(گلسن ائله گل بولمسین احوالیمی زینب)

(تیکمیشدی گوزون من یخلان قارداشا قارداش)

 

یوخ آل پیمبر غمینون حد و حسابی

کیم مدح حسین ایلیه وار اوزگه ثوابی

تضمین ائلدی «ذهنی» یازان شعری «شهابی»

(بو نوحه عجب سلب ائلییور طاقت و تابی)

(چاتموش یارالی سینه ده اوخ باش باشا قارداش)

+ عبدالحسین عارفی ; ۱۱:۱۳ ‎ق.ظ ; ۱۳٩۱/۱٠/۱٩
comment نظرات ()